Buxoroda bo’lib o’tayotgan ekoforum doirasida partiya vakillari uchun "Neftchi" oromgohida seminar tashkil etildi. Unda Xorazm, Navoiy, Buxoro, Samarqand, Jizzaxdan tashrif buyurgan xodimlar, tuman va shahar raislari ishtirok etdi. O’quv seminarda Demokratik jarayonlarni tahlil qilish markazi Buxoro viloyat hududiy boʼlinmasi rahbari, siyosatshunos Jamshid Jurayev “Oʼzbekistonda siyosiy partiyalarning huquqiy asoslari” mavzusida ma’ruza qilib, demokratik jarayonlarda siyosiy partiya pozitsiyani kuchaytirish bo’yicha tavsiyalar berdi.